ഹരി ഓം, നമ: ശിവായ

നിങ്ങളുടെ ഉള്ളിലെ 'സ്വാർത്ഥത' എന്ന വൈറസിനെ തിരിച്ചറിയാം!

സത്യം പറയൂ,

നിങ്ങൾ എത്രമാത്രം സ്വാർത്ഥനാണ്?

ഇത് ചോദിക്കുമ്പോൾ നെറ്റി ചുളിക്കേണ്ട.

സംഗതി ഭഗവാൻ തന്ന വരമൊന്നുമല്ല ഒന്നുമല്ല; നമ്മൾ സ്വയം ഡൗൺലോഡ് ചെയ്തെടുത്ത ഒരു 'മാൽവെയർ' (Malware) ആണ് ഈ സ്വാർത്ഥത. ഇതിനെ ഒരു "സെൽഫിഷ് ചിപ്പ്" (Selfish Chip) എന്ന് വിളിക്കാം.

നിങ്ങളുടെ സ്വഭാവത്തെയും പ്രവൃത്തിയെയും സംസാരത്തെയും ഈ ചിപ്പ് നിയന്ത്രിക്കുന്നുണ്ടോ?

ഉണ്ടെങ്കിൽ ഓർക്കുക, ഇത് വരുംതലമുറയിലേക്ക് ബ്ലൂടൂത്ത് വഴി പകർന്നു കൊടുക്കേണ്ട ഒന്നല്ല. കുട്ടികളുടെ ഭാവി ഓർത്തും, സ്വന്തം സമാധാനം ഓർത്തും ഇത് ഉടൻ 'അൺഇൻസ്റ്റാൾ' ചെയ്യേണ്ടതാണ്.

ഈ 'ചിപ്പ്' നിങ്ങളുടെ ഉള്ളിലുണ്ടോ? ഒരു സെൽഫ് ചെക്കപ്പ്:

ചുവടെ പറയുന്ന ലക്ഷണങ്ങൾ (Symptoms) നിങ്ങൾക്കുണ്ടോ എന്ന് പരിശോധിക്കുക:

മിസ്റ്റർ പെർഫെക്റ്റ് സിൻഡ്രോം:

എവിടെയും കറപുരളാത്ത വ്യക്തിപ്രഭാവം ഉണ്ടെന്ന് പുറമെ അഭിനയിക്കുകയും, ഉള്ളിൽ 'എനിക്കെന്ത് കിട്ടും' എന്ന് കണക്കുകൂട്ടുകയും ചെയ്യാറുണ്ടോ?

അക്രോബാറ്റിക് മൈൻഡ്:

സ്വന്തം ലാഭത്തിനായി ഏത് ദിശയിലേക്കും കരണം മറിയാൻ (Mental Gymnastics) നിങ്ങൾക്ക് പ്രത്യേക കഴിവുണ്ടോ?

മാനിപുലേറ്റീവ് വിഷൻ:

ഓരോ കാര്യത്തിലും മറ്റുള്ളവരേക്കാൾ ഉപരി സ്വന്തം താല്പര്യങ്ങൾ മാത്രം ഡിസൈൻ ചെയ്യാറുണ്ടോ?

മറ്റാരോടും പറയണ്ട, കണ്ണാടി നോക്കി സ്വയം ഒന്ന് ചോദിക്കൂ. ഉത്തരങ്ങളിൽ ഭൂരിഭാഗവും 'അതെ' എന്നാണെങ്കിൽ, അഭിനന്ദനങ്ങൾ! നിങ്ങളുടെ ഉള്ളിൽ ആ ചിപ്പ് സക്സസ്ഫുൾ ആയി ഇൻസ്റ്റാൾ ആയിക്കഴിഞ്ഞു.

ഇതിന്റെ റിസൾട്ട് എന്താണെന്നോ?

നിങ്ങളുടെ ജീവിതത്തിലെ 'ദുരിതങ്ങളുടെ ബാലൻസ് ഷീറ്റിൽ' (Balance Sheet of Miseries) ക്രെഡിറ്റ്സ് കുമിഞ്ഞുകൂടിക്കൊണ്ടിരിക്കുകയാണ്!

പശുത്വവും ഭൗതിക അസ്തിത്വവും

ഈ അവസ്ഥ തുടർന്നാൽ സംഭവിക്കാൻ പോകുന്നത് ഭയാനകമായ ഒന്നാണ്:

'ക്രോണിക് പശുത്വം' (Chronic Animalistic State). എത്ര വലിയ തെറ്റ് ചെയ്താലും അതിനെ ന്യായീകരിക്കാൻ നിങ്ങളുടെ ബുദ്ധിക്ക് ഒരു പ്രത്യേക 'പ്രതിരോധ ശേഷി' (Immunity) ലഭിക്കും. മനസ്സാക്ഷി മരവിച്ച്, വെറും ഭൗതികമായ ഒരു അസ്തിത്വത്തിൽ നിങ്ങൾ തളച്ചിടപ്പെടും.

എങ്ങനെ ഈ ചിപ്പ് 'ഡിഫ്യൂസ്' ചെയ്യാം?

ഈ സജീവമായ ചിപ്പ് നിങ്ങളുടെ ജീവിതത്തെ തകർക്കുന്നതിന് മുൻപ് അത് നിർവീര്യമാക്കണം. സ്വയം ചികിത്സ ഇതിന് ഫലിക്കില്ല.

"എന്റെ ജീവിതം കൈവിട്ടുപോകുന്നു, എനിക്ക് മാറ്റം വേണം" എന്ന് തുറന്നു സമ്മതിക്കാനുള്ള ആർജ്ജവമാണ് ആദ്യത്തെ സ്റ്റെപ്പ്.

വിജയം നിങ്ങളുടെ അടുത്തുനിന്ന് അകന്നുപോകുന്നത് തടയണമെങ്കിൽ, അനിവാര്യമായ ആ മാറ്റത്തിനായി സഹായം തേടാൻ മടിക്കരുത്.

ആ ചിപ്പ് ഡിഫ്യൂസ് ചെയ്ത് സ്വതന്ത്രനാകാൻ നിങ്ങൾ തയ്യാറാണോ?

മാറ്റത്തിനായി നിങ്ങൾക്ക് എന്ത് സഹായമാണ് വേണ്ടത്?

നിങ്ങളുടെ ചിന്തകൾ പങ്കുവെക്കൂ, ആത്മ വിദ്യയിലൂടെ നമുക്ക് ഒരുമിച്ച് ആ മാറ്റത്തിലേക്ക് നടക്കാം.

സ്വാമി ഹരിദത്തൻ

ആത്മ വിദ്യാ പീഠം

..........

(ഇപ്പറഞ്ഞ ചിപ്പ് ഘടിക്കപ്പെട്ടത് മൂലം കുല നാശത്തിന് തന്നെ കാരകനായ ഒരു രാജാവുണ്ടായിരുന്നു.

മഹാ ഭാരതത്തിലെ ദുര്യോധനൻ.

മിസ്റ്റർ പെർഫെക്റ്റ് സിൻഡ്രോം, അക്രോബാറ്റിക് മൈൻഡ്, മാനിപുലേറ്റീവ് വിഷൻ എന്നിവ അദ്ദേഹത്തിൽ ദർശിക്കാൻ ഭഗവത് ഗീത ഒന്നാം അധ്യായത്തിലെ ആദ്യ പതിനൊന്ന് ശ്ലോകങ്ങൾ മനസിലാക്കിയാൽ മതി.

ഭഗവാൻ കൃഷ്ണൻ ആരെന്നുപോലും ദർശിക്കാൻ കഴിയാത്ത വിധം ക്രോണിക് പശുത്വം അദ്ദേഹത്തെ ബാധിച്ചപ്പോൾ ഏറ്റവും താഴേക്കിറങ്ങി പാണ്ഡവർക്കായി ഭഗവാൻ ആവശ്യപ്പെട്ട അഞ്ചു വീടുകൾ പോലും ദുര്യോധനൻ നിരാകരിച്ചു.

എങ്കിൽ യുദ്ധം എന്ന തീരുമാനം അവിടെ ആണ് ഉണ്ടായത്. സർവ നാശത്തിലേക്ക് വഴിവെച്ച ദുര്യോധനനെ ബാധിച്ച  'സ്വാർത്ഥത' എന്ന വൈറസ് എത്ര അപകടകാരിയാകും സാധാരണ ജീവിതത്തിൽ എന്ന് നാം മനസിലാക്കണം.)

ഹരി ഓം, നമ: ശിവായ

विजयी भवतु, सुखिनो भवतु।

ആത്മ വിദ്യാ പീഠം